a) Navên xwedayan

Tîpa destpêka navên xwedayan bi girdekê dihê nivîsîn.

Li gor bawerîya misilmanan, Xweda di Quranê da dibêje; “Ev pirtûkeka weha ye ku şik jê nabe”. Yezdan dibêje ku wî însan ji axê afirandine. Zeûs xwedîyê Çîyayê Olîmposê ye.

b) Navên ferîşteyan

Navên ferîşteyan navdêrên taybetî ne û loma tîpa wan ya destpêkê bi girdekê dihê nivîsîn. Cebraîl, Îsrafîl, Mîkaîl, Ruhstîn (Ezraîl) Li gor bawerîya misilmanan, yê ku wehî ji Pêxemberî ra îna Cebraîl bû.

c) Navên pirtûkên pîroz

Tîpa navên pirtûkên pîroz ya destpêkê bi girdekê dihê nivîsîn.

Avesta, Cilwe, Încîl, Mishefa Reş, Quran, Tewrat, Zebûr

d) Navên cihên dînî

Navên mizgeft, kenîşte, dêr û hwd gava ku navên taybetî bin, tîpa wan ya destpêkê bi girdekan dihê nivîsîn. Ne tîpa bêjeya yekem ya destpêkê bi tenê, lê tîpa her bêjeyekê ya destpêkê bi girdekê dihê nivîsîn.

Dêra Zehferanê Kenîşteya Qudsê Mizgefta Şêx Seîdê Pîranê Mizgefta Sûsayê