Kurtkirinên navên pîvanan
Divê ku kurtkirinên navên pîvanan li gor standardên navneteweyî bihên nivîsîn. Awayên wan yên dirêj jî divê ku li gor bilêvkirina kurmancîyê bihên nivîsîn.
Ev kurtkirinên ha, ji tîpên bêjeyan yên destpêkê (heger bêje nesade be, ji tîpa her beşekî ya destpêkê) pêk dihên û piranîya wan bi hûrdekan dihên nivîsîn.
dm, cm, cl
Di kurtkirinên pîvanan da xal nahê bikarînan.
Hin kurtkirinên navên pîvanan bi girdekan dihên nivîsîn.
A (amper), B (bayt), V (volt)
Di kurtkirina navên hin pîvanan da jî hûrdek û girdek bi hevûdin ra dihên nivîsîn.
Gb, kB, dB
Hin nimûneyên kurtkirinên pîvanan -yên çi bi hûrdekan, çi bi girdekan û çi jî bi hûrdek û girdekan bi hevûdin ra dihên nivîsîn- li jêrê dihên pêşkêşkirin.
| A | amper |
| cg | santîgram |
| cl | santîlître |
| cm | santîmetre |
| cm2 | santîmetreçarçik |
| cm3 | santîmetrekub |
| dB | desîbel |
| dg | desîgram |
| dl | desîlître |
| dm | desîmetre |
| dm2 | desîmetreçarçik |
| dm3 | desîmetrekub |
| F | farad |
| GB | gîgabayt |
| Gb | gîgabît |
| gr | gram |
| hl | hektolître |
| hm | hektometre |
| kB | kîlobayt |
| kb | kîlobît |
| kg | kîlogram |
| km | kîlometre |
| km2 | kîlometreçarçik |
| kV | kîlovolt |
| l | lître |
| m | metre |
| m2 | metreçarçik |
| m3 | metrekub |
| MB | megabayt |
| Mb | megabît |
| mg | mîlîgram |
| mm | mîlîmetre |
| mm2 | mîlîmetreçarçik |
| mm3 | mîlîmetrekub |
| MV | megavolt |
| N | newton |
| t | ton |
| TB | terabayt |
| Tb | terabît |
| V | volt |
Navên hin kurtkirinan jî ne li gor qayîdeyên jorîn dihên kurtkirin.
| dam | dekametre |
| GHz | gîgahertz |
| Hz | hertz |
| kHz | kîlohertz |
| mbar | mîlîbar |
| MHz | megahertz |
| Pa | paskal |