Nivîsîna cihnavên pirsîyarî

Grûpa xwerûGrûpa tewandî
kîkê
kîjankîjanî (di cihê navdêrên nêr da)
kîjankîjanê (di cihê navdêrên mê da)
kîjankîjanan (di cihê navdêrên pirhejmar da)

Pirsên ku bi cihnavên pirsîyarî yên grûpa xwerû dest pê dikin, bersivên wan ji cihnavên kesî yên grûpa xwerû dihên wergirtin û weha dihên nivîsîn:

Kî dibêje? Ez dibêjim. Kîjan baş e. Ew xortê bejindirêj baş e. Kîjan ji wan dê beşdar bibin?  Ew mamostayên kevin dê beşdar bibin.

Pirsên ku bi cihnavên pirsîyarî yên grûpa tewandî dest pê dikin, bersivên wan ji cihnavên kesî yên grûpa tewandî dihên wergirtin û weha dihên nivîsîn:

Kê got?               Min got. Kîjanî ji wan ji te ra got?    Wî xortî ji min ra got. Kîjanê ji wan ji te ra got?   Wê xwendekarê ji min ra got. Kîjanan ew dîtiye?            Wan kesan ew dîtiye.