Nivîsîna awayê lêkera tebatî (pasîf)

Di kurmancîyê da lêkerên têneper (întransîtîv) nabin tebatî.

Loma awayên nivîsîna hevokên nimûneyên jêrîn şaş in.

❌ Av hat kelîn. ❌ Bûk hat xemilîn. ❌ Li me dihê gerîn. ❌ Li vê mijarê pir hat fikirîn. ❌ Li ser pirsa çareserîyê hat rawestin. ❌ Li ser vê pirsgirêkê hat sekinîn. ❌ Pirtûk ji îngilîzîyê hatiye wergerîn.

Ji bo tebatîkirinê, divê lêker têper bin.

✔ Av hat kelandin. ✔ Bûk hat xemilandin. ✔ Pirtûk ji îngilîzîyê hatiye wergerandin.

Lewra lêkerên ku bi awayê tebatî bihên bikarînan, bi tenê lêkerên têper (transîtîv) in.

Ev lêkerên têper û lêkera “hatin”ê –ku lêkereka têneper e- bi hevûdin ra lêkera tebatî pêk diînin.