Xalbendî

Xalbendî xwendinê hêsantir dike û berî her tiştî, cihên rawest û vehesê dide zanîn. Ew di nivîsê da tixûbên fraz, hevok û komekan nîşan dide û her weha jêwergirtinan û hwd jî dide zanîn. Bi xêra xalbendîyê ye ku mirov dikare di nivîsê da hêmanên prosodîk yên wekî guvaş, ton, rîtm û tempoya zimanî bide dîyarkirin.

Xalbendî alîkarîya xwendevanan dike da ku ew mebesta nivîskaran rast fam bikin. Ji ber van rol û taybetmendîyan, di rastnivîsîna her zimanî da cihekî xalbendîyê yê girîng heye.