Cotxal :

Di van rewşan da cotxal dihê bikarînan:

a) Piştî hevoka ku ravekirin bi dû wê da dihê

Di qanûna nû da tiştê baş ev e: Ji roja qebûlkirina qanûnê pê ve, ew girtî dê bihên berdan ku hîn saleka wan maye.

b) Berî veguhastin û axaftinê

Binefşê bi sê dengan bang kir û got: “Lo lo rebeno, sibe ye, em dê dereng bimînin.”

Slogana me ya mîtîngê ev bû: Zimanê me hebûna me ye!

c) Berî tiştên heman kategorîyê ku li dû hevûdin dihên rêzkirin

Di lîsteya kirînê da ev hene:rûn, penîr, şekir û hingiv.

ç) Di navnîşana Înternetê da piştî “http”yê û berî cotxwarexêzan //

http://www.kurdlib.org

d) Di derbirînên hejmarî da:

  • Di pîvanên nexşeyan da 1:100 000

  • Di belgeyên fermî da, di navbera tarîxa salê û hejmara belgeyê da 2009:600
  • Di matematîkê da ji bo parvekê (nîşana parvekirinê) 25:5=5 21:7=3
  • Ji bo dîyarkirina tixûbên saet, deqîqe û sanîyeyan 6:25:45 (bnr. beşê “Nivîsîna saet, deqîqe, sanîye û salîseyê”)

e) Ji bo rewşên ku bêjeya piştî cotxalê bi girdekê dihê nivîsîn bnr. beşê “Girdek û hûrdek”ê, xala “Piştî cotxalê”.