Îzafe
Pêwîstîya nivîsîna gireyên îzafeyê bi zelalkirinê heye. Lewra di kurmancîyê da, di warê nivîsîna wan da awayên cuda bi kar dihên û dibin sedema tevlihevîyê.
Ji bo zelalkirina vî beşî, girîng e ku gireyên navbirî kategorî bi kategorî bihên ravekirin.
Gireyên ku nîşanên îzafeyê ne, bi navdêran ve dihên nivîsîn. Bê çawa gireyên tewangê li gor nasyarbûn û nenasyarbûna navdêran nahên guhertin, gireyên nîşana îzafeyê jî li gor nasyarî û nenasyarîya navdêran nahên guhertin. Lewra yên ku wan diguherînin, mêjer û zayenda navdêran in.
Gireyên îzafeyê li gor mêjer û zayendê, di kurmancîyê da di sê kategorîyên cuda da xuya dibin:
Helbet, gava ku navdêrek bi dengdêrekê biqede, <-y->yek dikeve navbera dengdêra dawî û gireya îzafeyê. Ev yek ji bo hemû kategorîyan her bi wî awayî ye.