Nivîsîna hejmarnavên dehekî
Hejmarên dehekî, bi reqeman û bêyî navberê dihên nivîsîn.
Nîşana dehekîyê bêhnok (,) e.
Heger hejmara dehekî ji yekê kêmtir bibe, divê ku sifirek (0) berî bêhnokê bihê danîn.
Li hin welatan xal (.) wekî nîşana dehekîyê dihê bikarînan. Lê li gelek welatan jî xal wekî nîşana tixûbê hejmara hezarî dihê bikarînan. Li piranîya welatên Ewropayê û gelek welatên cîhanê yên din nîşana dehekîyê bêhnok e. Ya baş ew e ku em jî di nivîsîna kurmancîyê da bêhnokê wekî nîşana dehekîyê bi kar biînin.