Standarda me
Awayê ku ji alîyê gelek welatan ve, nemaze ji alîyê welatên Ewropayê ve û di hemû belgeyên Yekîtîya Ewropayê da -ji bo hemû zimanên YEyê- dihê bikarînan û her weha di nivîsîna kurmancîyê da jî cihê xwe girtiye, ew awa ye ku hejmarên roj, meh û salê li dû hevûdin dihên nivîsîn û di navbera wan da xalek (.) dihê danîn.
Mirov dikare vî awayî hem ji bo nivîsîna tarîxa belgeyan û hwd hem jî di hundirê nivîsa normal da bi kar biîne. Ev awayekî pir fambar e jî. Loma ya baş ew e ku di nivîsîna kurmancîyê da, ev awa wekî awayê standard bihê hilbijartin.
Li gor ISOyê, divê ku tarîx bi awayê roj, meh û salê rêz bibe û ji heşt reqeman pêk bihê; çar reqem ji bo nîşandana salê, du reqem ji bo mehê û du reqem jî ji bo rojê. Li gor prensîpa ISOyê, di awayê pêşnîyazkirî da sifirek li ber beşê yekhejmar dihê danîn: 21.03.2011