Bendik -

1) Bendik ji bo pevgirêdana parçeyên bêjeyan yên cuda dihê bikarînan ku di rêzên cuda da hatine nivîsîn (bnr. beşê “Kîtekirin”ê).

da-          da-       hil-       ne-       ve-       vê- weşîn      xistin     dan       mir       qetîn     ketin

2) Ji bo nîşandana morfemên bêjeyekê

Ji bo ku mirov nîşan bide bê bêjeyek ji çend morfeman pêk dihê, bendik dihê bikarînan.

da-weş-în            hil-dan

3) Di komekekê da ji bo destpêk û dawîya bêje yan jî hevokên navberê

Ez par çûm Honyarayê -paytextê Giravên Salomonê ye-û ez li wê derê sê mehan mam.

4) Di rêzimanê da ji bo nîşandana pêşgir û paşgiran

Di rêzimanê da ji bo nîşandana pêşgir û paşgiran dihê bikarînan. Heger pêşgir bin, piştî wan, heger paşgir bin berî wan dihê danîn.

paşgir      -ane     -bar      -ek       -van pêşgir      da-       hil-       ra-        ve-

5) Di rêzimanê da ji bo nîşandana kîteyên bêjeyan

xwen-din, ni-vî-sîn, a-gah-dar

6) Hin caran bi maneya “û”yê dihê bikarînan.

Di salên 70yî da gelek kes marksîst-lenînîst bûn.

7) Ji bo peryod û mesafeyê

Di rewşên weha da, ne berî bendikê ne jî piştî bendikê navber heye.

Dirêjîya rêya Dîyarbekir-Pîranê 92 km ye. Ez di salên 1982-1995an da li Zaxoyê bûm.

8) Di hejmarên bankcîro û postcîroyê da

Bankcîro: 255-4038 Postcîro: 213445-2

9) Di hin navdêrên taybetî yên bîyanî da

Heger di orîjînala nivîsîna navdêrên taybetî yên bîyanî da bendik hebin, divê ku di nivîsîna kurmancîyê da jî ew bendik bihên parastin.

Île-de-France Rosina Bulwer-Lytton Theodore Watts-Dunton