Nivîsîna îzafeyê ya li gel hejmarnavan

Ji ber ku zayenda hejmarnavan nêr e, dema ku wekî dîyarkirîya frazekê dihên bikaranîn, gireya îzafeyê ya ji bo wan “-ê” ye.

Gava ku hejmarnav bi dengdêrekê biqede, “-y-”ya tîpa pevgirêdanê dikeve navbera nimînendeya dengdêra hejmarnavê ya dawî û gireya îzafeyê.

yekê gulanê, yekê* mehê, yekê şevê

* Di warê zayenda hejmarnava “yek”ê da dijîtîyek heye. Gava mirov bide ber beşê “Tewanga hejmarnavan” ev dijîtî zelaltir xuya dibe.

duyê mehê, sêyê mehê, çarê mehê, pêncê mehê çarê şevê, çarê gulanê, çarê nîsanê pêncê adarê, şeşê nîsanê, heftê gulanê, heştê hezîranê, nehê tîrmehê, dehê tebaxê, şeşê rojîyê